OPW Yanacaq Tapancası - İnkişaf Tarixi
Bu gün biz OPW yanacaq tapancalarının tarixində mühüm mərhələlərdən birini qeyd edirik. Galeri Teknik Ltd MMC olaraq, OPW yanacaq tapancalarının Azərbaycandakı rəsmi distribyutoru olaraq, bu yenilikçi məhsulları və onların təhlükəsiz və effektiv yanacaq doldurma təcrübəsini necə dəyişdirdiyini vurğulamaqdan qürur duyuruq.
Daxili yanma mühərriklərinin ilk 50 ili ərzində avtomobillərə yanacaq doldurmaq üçün istifadə olunan tapancalar doldurma prosesi boyunca daim nəzarət tələb edirdi. Əks halda, yanacaq dolu çən daşaraq benzin və ya dizel yanacağının ətrafa sıçraması, məntəqə işçilərinə, avtomobillərə və ətraf mühitə ciddi təhlükələr yarada bilərdi.
1950-ci ildə OPW bu problemi həll edərək, dünyada ilk avtomatik bağlanma texnologiyasına ("Shut-off") malik Model 210 yanacaq tapancasının patentini təqdim etdi. Bu tapancanın avtomatik bağlanma dizaynının əsasında Bernulli Prinsipi dururdu. Model 210 yanacaq tapancası, yanacağın tapancadan keçərkən sürətinin dəyişməsindən yaranan təzyiq vakuumundan istifadə edərək diafraqmanı işə salır və nəticədə, yanacaq çən dolduqda tapanca avtomatik olaraq bağlanaraq yanacaq axınını dayandırırdı.
Bu ixtira, bu il 75-ci ildönümünü qeyd edir və bu günə qədər istənilən istehsalçı tərəfindən hazırlanan bütün avtomatik bağlanma yanacaq tapacalarının əsas iş prinsipi olaraq qalır.
OPW Yanacaq Tapanca Texnologiyalarının Təkamülü
Avtomatik bağlanma texnologiyasının tapanca dizaynında və funksionallığında yeni standart müəyyənləşdirməsindən sonra OPW yanacaq tapancaların növbəti nəsil texnologiyalarını inkişaf etdirməkdə lider olaraq qalmağa davam etdi.
- 1960-cı ildə OPW Model 1A “Fil-O-Matic” yanacaq tapancasını təqdim etdi – ağızında yay texnologiyası ilə təchiz edilmiş ilk tapanca.
- 1971-ci ildə isə daha aerodinamik və istifadəçi dostu bir versiya olan Model 11A tapancası yaradıldı.
1980-ci illərə gəldikdə isə, yanacaq doldurma təcrübəsi dəyişirdi. Özünəxidmət yanacaqdoldurma məntəqələri populyarlaşırdı və sürücülər artıq yanacaq doldurma işini özləri həyata keçirirdilər. Təcrübəsiz və ya diqqətsiz sürücülərdən qaynaqlanan riskləri azaltmaq üçün OPW növbəti mühüm yeniliyi təqdim etdi.
1984-cü ildə təqdim edilən Model 11B nozzle bu sahədə inqilabi yenilik idi. Bu nozzle, “B-Cap” texnologiyası ilə təchiz olunmuşdu. Bu texnologiya, dispenser təzyiqə məruz qalmayana qədər yanacaq tapancasının işləməsinə icazə vermir və dispenserdə təzyiq azaldıqda tapancanın fəaliyyətini dayandırırdı. Bu, sürücünün təcrübəsindən və diqqətindən asılı olmayaraq, yanacaq doldurma prosesini demək olar ki, risksiz etdi.
Bundan əlavə, bu texnologiya yanacaqdoldurma məntəqələrinin “öncədən ödəniş” sisteminə keçməsi və dispenserlərdə kredit kartı ödənişini həyata keçirən CRIND-lərin (Card Reader In Dispenser) tətbiqi zamanı da çox faydalı oldu.
Model 11B Yanacaq Tapancasının Xüsusiyyətləri
Model 11B nozzle bir çox yenilikçi xüsusiyyətlərə malikdir:
1. Təyyarə dərəcəli alüminium tapanca ağızlığı.
2. Təkmilləşdirilmiş oturacaq halqası, daha dəqiq bağlanma performansı üçün.
3. Flow-Lock texnologiyası, nozzle avtomobildən düşdükdə avtomatik bağlanır.
4. İki hissəli NEWGARD əl izolyatoru və sıçratmaya qarşı qoruyucu.
5. Accu-Stop texnologiyası ilə dəqiq yanacaq axını.
6. Avtomobilləri cızmayan davamlı Duratuff səviyyə qoruyucusu.
7. Tək barmaqla işləyən açıq-saxla klipi.
8. UL tərəfindən təsdiqlənmiş O-halqalar, möhürlər və diafraqmalar.
9. UL 2586 sertifikatı ilə alkoqol və bio-dizel qarışıqlarına hər hansı faizlə uyğunluq.
Sonrakı Yeniliklər
1990-cı illər: SAE J285 və ISO 9158/9159 qlobal standartlarına uyğun təkmilləşdirilmiş yaylı tapanca ağızlığı dizaynı.
2000-ci illər: -54°C (-65°F) kimi aşağı temperaturlarda işləmək üçün nəzərdə tutulmuş Ekstremal Soyuq yanacaq tapancası versiyaları.
2010-cu illər: Etil spirti və bioyanacaq qarışıqlarının bütün səviyyələri ilə uyğun tapancalar.
2020-ci illər: Təmiz tapanca texnologiyası, tapancadan artıq yanacağın tökülməsinin qarşısını alır. Bu, artıq dizel yanacağını xüsusi bir kamera daxilində saxlayır, növbəti yanacaq doldurma dövründə isə bu yanacaq yenidən axına qaytarılır.
Yeni Model 11B
2024-cü ildə 40 illiyini qeyd edən Model 11B, bu il yeni təkmilləşdirilmiş versiyası ilə təqdim olunacaq. Yeni model daha asan açılacaq, daha rahat tutacaq və ergonomik dizaynı ilə istifadəçi təcrübəsini yaxşılaşdıracaq. Bununla belə, 40 il ərzində etibarlılıq və təhlükəsizlik standartını müəyyənləşdirən bu yanacaq tapancası, öz əsas xüsusiyyətlərini qoruyub saxlayacaq.